Zafè lanseyman kréyol-la pwan an lot kalté balan san ki anlo adan nou fè tan rimatjé sa. An mitan mwa févriyé a ki fini pasé a, Ministè-a sòti an teks konmkwa atjèman kréyol pé vini LV2 oben LV3 silon seksion-an éti zélev-la adan'y lan.Kivédi, zépon natirel nou pé vini obligatwè. Fok nou chonjé ki jik alè, kréyol té enki an lopsion zélev lisé oben kolej té pé pwan. Pou sa ki té lé pwan'y o bak, jik an 2005, fok té mandé rektora Matinik, chak lanné, an tanpri-souplé espésial. Lè 2005 pwan, Ministè-a rikonnet lopsion-tala ek pa té ni bizwen mandé ayen ankò. Epi lè lanné 2006 paret, i ay pli douvan pis i pèmet kréyol-la trapé grad LV2 oben LV3. An mwa septanm lan ka vini a, an seksion Kréyol LV3 pou ouvè atè Lisé Akajou II, nan bouk Lanmanten. Tout lo bagay-tala lé di ki ké pé ni étidian pou Lisans LCR la si ou vwè Ministè-a asepté ba sis sèmes kon manmay isiya sé voudré'y la.
