Bonè bon maten-an, lè man lévé, man wè soley-la té rété an kaban-li. Man alé an jaden-a pou fè yonn dé kout wou pou tié dé-twa vié zeb. Man téka kouté an moso mizik ta Janfilip Mawtéli…"bondyé, man ka mandé'w ti bren limyè pou kléré yich nou" … Sé lè man soukwé sé pawol la kon an chacha an zékal kalbas tet-mwen kè man rivé sav kè sé an lapriè. Panan man ka di sa lapli fésé kò'y atè. Bondié fè sa ba nou paskè nou toujou ka pléré lè zyé nou sek. Man bout anlòt soley.
