Victorin Lurel ka fè kolè,

Victorin Lurel ka fè dépité ek prézidan Konsey réjional Gwadloup. I voyé an kominiké ba BMJ éti i ka fè kolè padavwa Gouvelman fè anons yo ké fini épi zafè Ministè Loutmè-a.

Pou Dépité Lurel, sé an lòt mak Gouvelman misié Fillon-an pa entérésé épi nou. I rété épi i di « yo koumansé pa an brital bésé anlè lajan lojman sosial-la, yo paré pou fini épi défiskalizasion pou kay moun, yo ka minasé kontinité téritoriyal-la, gouvelman Fillon-an ka montré Loutmè pa an priyorité ankò ».

I pa kontan piès toubònman. I kontiné ka di « An gwo ministè épi an gwo mòdan kòm minis, sé sel bagay ki pé pézé anlè sé chwa gouvelman-an ».